2020-06-07

「我们之间，不会有改变⋯⋯」一听到呢句歌词，好多人都会谂起台湾综艺节目《模范棒棒堂》。组合「Lollipop」由敖犬、小煜、威廉、阿纬、小杰、王子组成，事隔多年，佢哋都忙住发展个人演艺事业，想齐人真係一啲都唔容易。但今个月5号正正係小煜嘅34岁生日，佢就準备咗一份特别礼物送俾各位Fans！

节目第一个经典偶像男子团体－Lollipop

台湾明星养成综艺节目《模范棒棒堂》由2006年首播，当中捧红咗唔少人，而节目第一个偶像男子团体「Lollipop」更係唔少人嘅青春回忆。

「Lollipop」由敖犬、小煜、威廉、阿纬、小杰、王子组成，6人被称为「六棒」，当年更係唔少人追捧嘅偶像。「Lollipop」喺出道后更成功喺台北小巨蛋、香港红馆等大型场馆举办演唱会。

为更好发展 各奔东西重新出发

「Lollipop」于2009年底约满后，正式解散。其中敖犬、小煜、威廉、阿纬组成「Lollipop@F」，而小杰、王子同细佬毛弟组团「JPM」重新出发。

事隔多年，佢哋都忙住发展个人演艺事业，各奔东西。但仍有唔少Fans都好希望佢哋可以合体，再次再聚。

小煜的34岁生日 「6棒」合体唱经典歌曲

今个月5号係小煜嘅34岁生日，小煜拍咗一条片，将所有珍贵的回忆集结成「六棒经典歌曲大串烧」，最感动嘅係佢叫埋昔日战友威廉、小杰、王子合唱。

喺影片中可见，威廉、王子、小杰陆续现身，同小煜合唱《黑糖秀》、《七彩棒棒堂》、《哪里怕》等歌曲，勾起无数人嘅回忆。

虽然唔齐人，但喺最后一幕「四棒」出现嘅时候，阿纬、敖犬嘅样仲被人整埋上去，总算係「六棒」合体，完成咗唔少Fans嘅心愿。

好多网民睇完都话：「好想念你们～～要永远记住最初的梦～」「我们之间不会有改变，听到这一句泪也止不住了」「六棒是我的童年、青春」。

完整版：

上一篇：Lollipop 市佔终于接近一成Lollipop 市佔终于
下一篇：LOLPBE更新：星光战士15种炫彩发布，鄂尔护盾又回来了